Fotitaj Vidaĵoj

Nigraj nuduloj kun ruĝaj ĉapeloj

2009-12-23T11:34:00.008-05:00

La ĵuspasintan 14an de decembro mi kun mia edzino piediris en la ĉefa avenuo de kvartalo "El Poblado" de nia urbo, kie situas elegantaj komercaj, bankaj, hotelaj kaj entreprenaj konstruaĵoj, kaj je nia flanko komencis aperi nigraj manekenoj nudaj, nur kun tiaj ruĝaj ĉapeloj, modaj dum kristnaska tempo.
Feliĉe, mi tiam kunportis fotilon. Ili estis proksimume kvindek, sed, iomete bedaŭrinde, mi fotis nur tiujn ĉi-montritajn.

Vidaĵo

2009-04-26T11:05:00.002-05:00

Dinosaŭroj el Patagonio

2009-03-13T11:25:00.007-05:00

Hieraŭ mi vizitis ekspozicion pri dinosaŭroj portitaj al mia urbo el Patagonio. Jen kelkaj el ili (alklaku por pli grandaj fotoj):

Mi pretas por la protesta marŝo de 2008.02.04

2008-02-01T12:09:00.000-05:00

Mi jam estas preta por la protesta marŝo kontraŭ la terorisma grupo farc, okazonta la venontan lundon, kvara de februaro. Morgaŭ, unua de februaro, mi ekvestiĝos per tiucela ĉemizo.

Dehako de granda arbo

2007-02-23T12:59:00.000-05:00

Hodiaŭ mi piediris en mia urbo kaj subite mi trovis tiun ĉi vidaĵon fotindan en ĝardenplaceto de rondkruciĝo.

Ne temis pri simpla stucado sed pri plena dehako de granda arbo.

Mi ne scias kial, kiun problemon kaŭzis tiu arbo por ke la urba adminstracio decidis malaperigi ĝin.

Nun vundita arbo. Poste ĝi restos nur en la memoro de la najbaroj.

Pri trafik-akcidentoj

2007-01-04T19:44:00.000-05:00

Kelkajn tagojn ataŭe mi skribis en mia blogo Skribitaj Pensoj, artikolon pri bedaŭrinda surstrata akcidento kiu okazis al profesoro Seymour Papert en Vjetnamio.

Tiu ĉi fotita vidaĵo elvokas la temon de trafik-akcidentoj. En mia urbo ekzistas kampanjo de la aŭtoritatoj urbaj (mi ne estas certa ĉu temas pri tutlanda kampanjo), kiu pentras kvarpintajn stelojn surstrate, en lokoj kie mortis homoj en trafik-akcidentoj (vidu dekstre malsupre la flavan stelon). La kampanjo vokas nin civitanojn por ke ni ne "fariĝu steloj" pro neprudenta strata iro pieda aŭ vetura.

Ruĝe vestita grimpanto

2006-12-04T10:05:00.000-05:00

Ruĝe vestita homo grimpas sur najbaran konstruaĵon. Mi rimarkas ke ĉi-jare tiu sceno estas multe pli ofta en mia urbo ol dum pasintaj decembroj.

Flava birdeto

2006-10-07T13:14:00.000-05:00

Hodiaŭ aperis flava birdeto ĉe mia fenestro. Maloftaĵo, preskaŭ ĉiuj liberaj birdetoj de la kvartalo kaj la urbo estas brunaj, plimalpli kafkoloraj.

Pliaj vidaĵoj el 15a etaĝo

2006-10-04T13:51:00.000-05:00

Laboro sur konstruaĵo

2006-10-02T08:43:00.000-05:00

Purigisto en konstruaĵo

2006-09-29T15:05:00.000-05:00

Hodiaŭ mi iris al okulkuracistino por preventa ekzemeno. Mi portis mian fotilon, kaj —profitante ke ŝia konsultejo estas en la 15^a etaĝo de konstruaĵo— mi kaptis kelkajn vidaĵojn. Jen la unua: Ĉi tie laboristo purigas la supraĵon de konstruaĵo najbara al tiu de la kuracistino.

Kuba konstruaĵo

2006-09-19T18:27:00.000-05:00

Vidaĵoj ekde la 12^a etaĝo de konstruaĵo sidejo de Entreprenoj Publikaj de Medellín (kie mi laboris ekde 1976 ĝis 1999). Proksime: la pli malalta metalaspekta kuba konstruaĵo kie situas la aŭditorio "Himerjo Pérez" de la kompanio. Pli malprokisme, en la supra parto oni vidas spektaklejon "Makarena" (kiu antaŭe estis tore-cirko, nur por toreado). Kaj inter tiuj du konstruaĵoj oni vidas ponton de la strato "Sankta Johano" sur la rivero Medellín ("Medeĝino"), rivero kiu iras meze de mia urbo.

Floretoj en branĉoj

2006-09-10T18:32:00.000-05:00

Plia bildo de la pasinta decembro

2006-09-09T14:54:00.000-05:00

Preĝejo de Sankta Teresita, Medellín, 3^a de decembro de 2005.

Lampomastoj

2006-09-08T15:40:00.000-05:00

Foje la koloroj, foje la geometrio de vidaĵo —kiel en ĉi tiuj tri lampomastoj— estas kio plej ofte vekas mian fotemon.
Per tiu ĉi fotoblogo mi volas kunhavi kun vi tiajn vidajn travivaĵojn.

Asfaltistoj

2006-09-07T18:37:00.000-05:00

Panoramo pri Medellín

2006-09-06T10:43:00.000-05:00

La ĵuspasintan lundon mi akompanis mian edzinon al kuracisto en hospitalo Pablo Tobón Uribe, kaj mi profitis la okazon por foti vidaĵon pri mia urbo, rigardita el la kvara etaĝo de tiu hospitalo, kiu situas iome alte en la urbo. Klaku sur la bildon por vidi ĝin pli grandan.

Elektra latis-masto antaŭ pluvo

2006-09-04T11:01:00.000-05:00

La ĉielo malheliĝis promesante baldaŭan pluvon, dum tiu ĉi vidaĵo —la strukturo de latis-masto por elektraj kabloj, kun ĝiaj trusaj kvertraboj, pendizoliloj kaj rado— altiris mian rigardon kaj fotemon.

Mi diris al mi mem ...

2006-08-26T20:18:00.000-05:00

De la pasinta decembro

2006-08-24T15:20:00.000-05:00

Dum la lastaj tagoj mi ne fotis kaj mi bedaŭras haltigi la kreskadon de tiu ĉi blogo dum tiom da tagoj, do, mi metas -dume- du fotojn faritajn en la urbeto La Ceja, Antjokio, Kolombio, la 10^an de decembro de 2005.

Limoj de fotilo

2006-08-06T20:36:00.000-05:00

La pasintan vendredon mi portis mian fotilon Panasonic Lumix DMC-FZ2 al danca spektaklo, en vespero malfrue. La lumkondiĉo estis malfacila por tiu fotilo. Mi ne ŝatas fulmolampon, mi volis foti kun la ekzistanta lumo, montri noktan scenon, krom la fakto ke la fulmolampeto de tiu fotilo estas malforta ekde la distanco kie mi sidis. Mi fotis en la limoj de la fotilo, en ISO 400, kaj 1/8 da sekundo, kio montras la movon de la dancistoj. Per pli rapida ekspono mi estus atinginta pli haltigitajn dancistojn kaj pli difinitan enfokusigon, tamen mi volis montri la movon, kaj krom tio, por pli mallonga ekspono mi bezonus pli ol ISO 400, kion la fotilo ne havas. Mi estis en la limoj de kapablo de tiu fotilo, sed mi lernis pli pri fotado dum tiu ĉi provo.

Mi deziras aĉeti alian fotilon kiu ebligu ke mi transiru la menciitajn limojn.

Preĝejo en deklivo

2006-08-01T12:29:00.000-05:00

Tiu ĉi preĝejo kaj siaj najbaraj domoj, sur monta deklivo, estas videbla el multaj lokoj de mia urbo.

Dum konkurado de robotetoj

2006-07-31T09:32:00.000-05:00

Partoprenantoj en konkurado de robotetoj, malantaŭ kelkaj el la konkurantaj maŝinoj.

Kion ili faras tie supre?

2006-07-29T10:32:00.000-05:00

Mi estis apud strato atendante dum mia fratino faris taskon en oficejo, kaj tiu ĉi vidaĵo malproksima kaptis mian atenton, do mi kaptis ĝin danke al teleobjektivo de mia fotilo FZ2. —Kion ili faris tie supre?

Konstruado de sportejo

2006-07-28T16:31:00.001-05:00

Masonistoj dum konstruado de nova sportejo en la Universitato Pontifika Bolivarana.

Apudstrata vidaĵo

2006-07-27T17:57:00.000-05:00

Du stratvendistoj esperas ke venos klientoj por aĉeti siajn varojn, dum hundeto "veturas" en brakoj de sia mastrino, k.t.p... Vidaĵo en stratflanko de mia urbo.

Vidaĵo en la Avenuo Nutibara

2006-07-26T10:16:00.000-05:00

Vidaĵo en la Avenuo Nutibara, urbo Medellín, fronte al Universitato Pontifika Bolivarana.

Strato en urbeto

2006-07-25T18:27:00.000-05:00

Strato en urbeto La Ceja, je 41 kilometroj de Medellín.

Seĝoj kaj tabloj

2006-07-24T18:23:00.000-05:00

Mi vizitis amikinon en universitato, kie ŝi tiam laboris, kaj rigardinte malsupren tra la fenestro de ŝia oficejo, dum ŝi telefonis, mi rimarkis tiun vidaĵon. Mi ŝatis la kolorojn kaj geometrion de tiu ĉi simpla sceno, kaj kaptis ĝin.
Mi profitas la okazon por rimarkigi ke tiaj seĝoj, egalaj, estas troveblaj en la tuta mondo. Mi vidis ilin per la televido en tre diversaj kaj malproksimaj landoj.

Birdoj en kabloj

2006-07-23T10:56:00.000-05:00

Por mi, estas rimarkinda la kapablo de bridetoj por flugi de relative malproksime ĝis kablo aŭ drato: -ĉu ili antaŭvidas precize la kablon kien ili deziras iri? aŭ ĉu ili nur havas malprecizan "ideon" kiu preciziĝas kiam ili alproksimiĝas al la kablo?. Normale, birdetoj ŝajnas rigardi fronten dum siaj kruretoj kaj piedoj estas malsupre, verŝajne nevideblaj el plejofta pozicio de la kapo, do, -Kiel ili regas, flugante tre proksime de la celita kablo, siajn piedfingrojn por preni tiun kablon? ĉu ili rigardas siajn piedfingrojn tiumomente?
Mirinde!.

Restoracio por birdoj

2006-07-22T11:12:00.000-05:00

Piedirante, mi vidis ke ĉe stratangulo flugadis svarmo da birdetoj, kaj tuj mi rimarkis la kaŭzon: Sinjorino metis grajnojn por ili, kaj multaj venadis por profiti tiun "restoracion".

Du birdetoj manĝante

2006-07-21T13:05:00.000-05:00

Tagmanĝa horo: Najbaro mia, kiun mi ne konas, metis bananojn en sia balkono por la birdetoj.

Ĉi tiuj birdoj svarmas

2006-07-20T17:57:00.000-05:00

Mi ne scias la nomojn de ĉi tiuj birdoj. Ili svarmas en mia urbo, kaj mi afiŝos plurajn fotojn pri ili.

Unua provo de fotoblogo

2006-07-19T11:52:00.000-05:00