Fotitaj Vidaĵoj

Klaku sur ĉiu foto por vidi ĝin pli granda.



 

20120708

Ekuzante mian novan fotilon Lumix FZ150


20120618

"Norda Parko"

Longa, longega tempo pasis dum kiu mi ne blogis tie ĉi.

Nun, mi invitas vin koni miajn lastatempajn fotojn. Ili estis pri amuzparko en mia urbo, Medellín, konata kiel "Parque Norte" (Norda Parko).

Tamen, du aferojn mi devas mencii:

  1. Vi preskaŭ ne vidos "uzantojn" de la amuzejo, ĉar mi kun tri geamikoj vizitis la parkon dum la mateno de la ĵuspasinta sabato, pli frue ol la parko ekfunkciis por la publiko. Ni povis eniri antaŭe ĉar nia vizito estis rilata al projekto por instali novajn kaj pli emociigajn amuzilojn en la parko.
  2. Tie ĉi mi ne montras ĉiujn fotojn, ĉar mi metis ilin en Flickr.com. Do, bonvole pluvidu ilin tie.

Bonvole vidu la ceterajn en:
http://www.flickr.com/photos/luisguillermorestreporivas/sets/72157630164601034/.

20091223

Nigraj nuduloj kun ruĝaj ĉapeloj

La ĵuspasintan 14an de decembro mi kun mia edzino piediris en la ĉefa avenuo de kvartalo "El Poblado" de nia urbo, kie situas elegantaj komercaj, bankaj, hotelaj kaj entreprenaj konstruaĵoj, kaj je nia flanko komencis aperi nigraj manekenoj nudaj, nur kun tiaj ruĝaj ĉapeloj, modaj dum kristnaska tempo.
Feliĉe, mi tiam kunportis fotilon. Ili estis proksimume kvindek, sed, iomete bedaŭrinde, mi fotis nur tiujn ĉi-montritajn.

20090426

Vidaĵo

20090313

Dinosaŭroj el Patagonio

Hieraŭ mi vizitis ekspozicion pri dinosaŭroj portitaj al mia urbo el Patagonio. Jen kelkaj el ili (alklaku por pli grandaj fotoj):


20080201

Mi pretas por la protesta marŝo de 2008.02.04


Mi jam estas preta por la protesta marŝo kontraŭ la terorisma grupo farc, okazonta la venontan lundon, kvara de februaro. Morgaŭ, unua de februaro, mi ekvestiĝos per tiucela ĉemizo.

20070223

Dehako de granda arbo





Hodiaŭ mi piediris en mia urbo kaj subite mi trovis tiun ĉi vidaĵon fotindan en ĝardenplaceto de rondkruciĝo.
Ne temis pri simpla stucado sed pri plena dehako de granda arbo.
Mi ne scias kial, kiun problemon kaŭzis tiu arbo por ke la urba adminstracio decidis malaperigi ĝin.

Nun vundita arbo. Poste ĝi restos nur en la memoro de la najbaroj.

20070104

Pri trafik-akcidentoj

Kelkajn tagojn ataŭe mi skribis en mia blogo Skribitaj Pensoj, artikolon pri bedaŭrinda surstrata akcidento kiu okazis al profesoro Seymour Papert en Vjetnamio.

Tiu ĉi fotita vidaĵo elvokas la temon de trafik-akcidentoj. En mia urbo ekzistas kampanjo de la aŭtoritatoj urbaj (mi ne estas certa ĉu temas pri tutlanda kampanjo), kiu pentras kvarpintajn stelojn surstrate, en lokoj kie mortis homoj en trafik-akcidentoj (vidu dekstre malsupre la flavan stelon). La kampanjo vokas nin civitanojn por ke ni ne "fariĝu steloj" pro neprudenta strata iro pieda aŭ vetura.

20061204

Ruĝe vestita grimpanto


Ruĝe vestita homo grimpas sur najbaran konstruaĵon. Mi rimarkas ke ĉi-jare tiu sceno estas multe pli ofta en mia urbo ol dum pasintaj decembroj.

20061007

Flava birdeto

Hodiaŭ aperis flava birdeto ĉe mia fenestro. Maloftaĵo, preskaŭ ĉiuj liberaj birdetoj de la kvartalo kaj la urbo estas brunaj, plimalpli kafkoloraj.


klaku por pli granda foto
klaku por pli granda foto

20061004

Pliaj vidaĵoj el 15a etaĝo

klaku por pli granda foto

klaku por pli granda foto

20061002

Laboro sur konstruaĵo

klaku por granda
klaku por granda